Meri ibtida tum (Duet)

میری ابتدا تم، میری انتہا تم میرے دِل کی دھڑکن، لبوں کی دُعا تُم تُمہاری نِگاہوں میں ہے میری دُنیا میرے دِل کے ہر اِک مرض کی شِفا تُم مُجھے حرفِ اُلْفَتْ کے معنی سِکھا کر بَنے میری چاہت کی پہلی اَدا تُم ملے تُم تو یوں وقت ٹھہرا ہُوا ہے میری دھڑکنوں کا ہو اِک سِلْسِلَہ تُم جو مانگی تھی میں نے خُدا سے ہمیشہ اُسی اِک دُعا کی ہو پیاری عَطا تُم میرے خُواب، میری حقیقت ہو جاناں میری رُوح کے ہو گئے آشِنا تُم تُمہارے بِنا زندگی اِک خَلَا تھی میری ذات کو مِلنے والا صِلَہ تُم رہوں گی ہمیشہ میں سائے میں تیرے کَڑی دُھوپ میں ایک ٹَھنڈی گَھٹا تُم گَھنی رات میں روشنی کا سفر ہو بُجھے طاقِ اُمید کا ہو دِیا تُم میرے دَشتِ دِل میں بہاروں کا موسم مُحَبَّتْ کے گُلشن کی ٹھنڈی ہَوا تُم خُمارِ شبِ وصل کی چاندنی ہو میری روح پر پیار کی اِک ردا تُم میرے ہم سفر، ہم قدم، ہم نشیں ہو میری زندگی کا حَسِین مُدُّعَا تُم میری زِندگی میں اُجالا تُمہی سے میری تِیرگی میں چَمکتی ضِیا تُم بَھوَرْ میں پَھنسِي تھی میری ناؤ جب بھی بَنے میری کَشتی کا ہَو ناخُدا تُم جو سَوچا تَو بس سوچ میں تُم ہی آئے میرے دونوں عالم کا ہَو آسرا تُم یہ وعدہ رہا، اب نہ بِچْھڑَیں گے ہم تُم میری چاہتوں کی ہَو سچی وفا تُم تُمہارے لیے ہی دَھْڑَکْتَا ہے یہ دِل میری بے قراری کی ہَو اِلْتِجا تُم اَلِفْ سے ہو تا یے، بس اِک نام تیرا مُحَبَّتْ کے رستے کا ہو رہنما تُم میری شاعری میں، میری ہر غزل میں دَھڑکْتِيْ ہوئی اِک حسین سی صدا تُم دَھڑکْتِيْ ہوئی اِک حسین سی صدا تُم..